កីឡាកររបស់ Newcastle , Tonali កំពុងត្រូវបានស៊ើបអង្កេតជុំវិញការភ្នាល់ល្បែង
Eddie Howe ទទូចថា Sandro Tonali មានអនាគតនៅ Newcastle ខណៈដែលខ្សែបម្រើអ៊ីតាលីកំពុងរង់ចាំលទ្ធផលនៃការស៊ើបអង្កេតលើការចោទប្រកាន់ថាបានបំពានច្បាប់ភ្នាល់។
កីឡាករវ័យ 23 ឆ្នាំ ដែលចុះហត្ថលេខាពី AC Milan ក្នុងតម្លៃ 55 លានផោនកាលពីខែកក្កដា គឺស្ថិតនៅកណ្តាលនៃការស៊ើបអង្កេតនៅក្នុងប្រទេសអ៊ីតាលីហើយ អាចប្រឈមនឹងការហាមឃាត់រយៈពេលយូរ។
Newcastle កាលពីដើមសប្តាហ៍នេះបានចេញសេចក្តីថ្លែងការណ៍មួយដោយបញ្ជាក់ថា Tonali ស្ថិតក្រោមការស៊ើបអង្កេតដោយការិយាល័យរដ្ឋអាជ្ញាអ៊ីតាលី និងសហព័ន្ធកីឡាបាល់ទាត់អ៊ីតាលីទាក់ទងនឹង “សកម្មភាពភ្នាល់ខុសច្បាប់”។
” Sandro កំពុងចូលរួមយ៉ាងពេញលេញជាមួយនឹងការស៊ើបអង្កេត ហើយនឹងបន្តសហការជាមួយអាជ្ញាធរពាក់ព័ន្ធទាំងអស់”។
Howe ត្រូវបានសួរកាលពីថ្ងៃសុក្រ ថាតើខ្សែបម្រើរូបនេះមាន និងចង់បានអនាគតនៅឯកីឡដ្ឋាន St James’ Park ដែរឬទេ។
លោកបានថ្លែងថា ៖ វាមិនត្រូវបានពិភាក្សាទេ ព្រោះវាជាការយល់ព្រមទាំងសងខាង។អានព័ត៌មានកីឡាថ្មីៗប្រចាំថ្ងៃ
Comments
Post a Comment