James Maddison លុបការបង្ហោះមើលស្រាលក្លឹប Spurs កាលពីជាង ១០ ឆ្នាំមុនហើយ
ទន្ទឹមនឹងចចាមអារ៉ាមនៃការកៀកផ្ទេរទៅចូលរួមជាមួយក្លឹបមាន់ខ្នាយមាស Tottenham Hotspur វាក៏ដល់ពេលដែល James Maddison សើរើរឿងរ៉ាវចាស់ ខ្លួនធ្លាប់បានសាង ធ្លាប់បានបង្ហោះមើលស្រាលដល់ក្លឹបខាងលើកាលពីជាង ១០ ឆ្នាំមុន។
នេះកីឡាកររបស់ក្លឹបកញ្រ្ជោងខៀវ Leicester City ហាក់មិនជ្រើសយកការបន្ត នៅឈរជើងក្នុងក្របខ័ណ្ឌលំដាប់ទីពីរ Championship ឡើយ ផ្ទុយទៅវិញ គឺរើបម្រាស់ខ្លួនដើរចេញ ដោយមានក្លឹបពីរព្យាយាមចង់បានរវាង Newcastle និង Spurs តែតាមចចាមអារ៉ាមចុងក្រោយហាក់ក្លឹបមាន់ខ្នាយមាសជោគជ័យលើការចរចាបាត់ទៅហើយ។
ត្រៀមនឹងការផ្ទេរទៅក្លឹបស្ថិតក្នុងទីក្រុងឡុង ក៏ស្រាប់តែអ្នកគាំទ្របានចាប់អារម្មណ៍លើគណនីផ្លូវការរបស់កីឡាករវ័យ ២៦ ឆ្នាំ បានលុបចេញនូវ Tweet ដែលបង្ហោះពាក់ព័ន្ធក្លឹបខាងលើ កាលខែវិច្ឆិកា ឆ្នាំ ២០១២។ ដូចពេលនោះសរសេរ៖ “ខ្ញុំស្អប់ Gareth Bale ណាស់ ត្រូវដឹង Wilshere គេល្អជាងអ្នក ១០ ដងផង”។
ដល់ខែមិនា ឆ្នាំ ២០១៣ គេបានបង្ហោះសារផ្សេងទៀតថា៖ “សង្ឃឹម Luis Suarez នឹងកម្ទេចក្លឹប Spurs ឲ្យបាននៅថ្ងៃនេះ ខ្ញុំអត់ចូលចិត្ត Spurs ទេ ជាពិសេសស្វាដែលគ្រប់គ្នាលើកមកនិយាយ [សំដៅទៅ Bale]”។ ជារួម Maddison ហាក់មានការទាស់ទែងចិត្តជាមួយក្លឹប Spurs ច្រើនឆ្នាំហើយ តែចុងក្រោយបែរត្រូវផ្ទេរមកចូលរួមទីនោះទៅវិញ៕ព័ត៌មានកីឡាបាល់ទាត់ថ្មីៗ
Comments
Post a Comment